UMasipala waseMfolozi oholwa umhloniswa iMeya uKhansela uXolani Bhengu namuhla ngoLwesithathu mhlaka 30 July 2025, ubambe umhlangano womkhandlu oyisipesheli. Kulo mhlangano wamakhansela nabaphathi beminyango eyehlukene kamasipala kudingidwe eyokusungulwa KweKomidi lezokuhlela kanye nokuthuthukiswa komnotho (iPlanning and Economic Development Portfolio Committee ). Kulo mhlangano kuphinde kwakhethwa namakhansela azohlala kulona. Leli Komidi lizobhekana ngqo nezindaba ezithinta ukuhlelwa nokuthuthukisa idolobha laseMbonambi kanye nokuthuthukiswa komnotho wendawo ukuze kuzodaleka amathuba omsebenzi. Okunye okudingidwe kabanzi kube wukuba abaHlonishwa amaKhansela bacijwe kabanzi ngemigomo kaMaspala nokuthi isebenza kanjani. Kudingidwe nangombiko womcwaningi mabhuku wangaphakathi kwavunyelwana ukuthi kulandelwe izincomo azenzile ukuze kulungiswe okungahambi kahle.